Malayalam-poem-perakka-പേരക്ക
പേരക്കാ പൂക്കൾക്ക്
എന്റെ ബാല്യത്തിന്റെ മണമാണ് ...
പകൽ ദൂരങ്ങൾക്കിപ്പുറം
കാലിഫോർണിയയിൽ ,
കുഞ്ഞുങ്ങളോടൊപ്പമിരുന്ന്
പ്രിയതമ മുറിച്ചു തന്ന
പ്രിയതമ മുറിച്ചു തന്ന
അമേരിക്കൻ പേരക്ക
തിന്നുമ്പോൾ
വല്യപ്പന്റെ വീട്ടിലെ
തോട്ടുവക്കത്തെ
പേരയിൽ നിന്നും
കാക്ക കൊത്തിയ
പേരക്കാ മധുരമായ്
ഓർമ്മകൾ പഴുക്കുന്നു…
ഇഷ്ടിക ചായ്പിൽ
ഞെരുങ്ങിപ്പിടഞ്ഞു
വീട്ടിലെ പേര
പൂക്കാതെ പോയി .
കാക്ക കൊത്താത്ത
പേരക്കകൾ
പഴയ പത്രത്താളിൽ
പെങ്ങൾക്കായ്
പൊതിഞ്ഞെടുത്തതും...
പുളിയുറുമ്പിന്റെ
കടിയേറ്റ കൂട്ടുകാരനെ
പേരക്കൊമ്പിൽ നിന്നും
വീഴാതെ കാത്തതും...
പേര് ചോദിച്ച
പുതിയ ചങ്ങാതിയെ
പേര് പേരക്കയെന്നു ചൊല്ലി
കളിപ്പിച്ചതും ...
പേര് ചോദിച്ച
പുതിയ ചങ്ങാതിയെ
പേര് പേരക്കയെന്നു ചൊല്ലി
കളിപ്പിച്ചതും ...
പേരക്കാ പൂമണമോലു-
മോർമ്മയായ് പടരുന്നു.
----
----