Thursday, August 23, 2012
Friday, August 17, 2012
Grandma never told me about Volcanoes...
Grandma never told me in her stories
How the Volcanoes are formed.
Grandma's God created only good things
The Green, the Sun, Rivers, life...
God created Adam's and Eve's heart
From the calmness of Pishon river*.
But without nobody knowing
Fires started erupting in their hearts
Life is like a river on fire these days
Do you feel something burning inside you?
Small or big, yellow or red...It’s burning
But we all show a calm volcano face.
Volcanoes opened their heavenly calmness
To embrace the pains and fires of our tears...
Ages together it’s embracing our confessing hearts
Grandma never told me about Volcanoes...
-----------------
* The Pishon is one of four rivers (along with Hidekel (Tigris), Phrath (Euphrates) and Gihon) mentioned in the Biblical Book of Genesis. In that passage, these rivers are described as arising within the Garden of Eden.
* The Pishon is one of four rivers (along with Hidekel (Tigris), Phrath (Euphrates) and Gihon) mentioned in the Biblical Book of Genesis. In that passage, these rivers are described as arising within the Garden of Eden.
Thursday, August 9, 2012
ചങ്ങാതി (The Friend)
ചങ്ങാതി
2006 ഡിസംബർ :ചങ്ങാതി 1
ഓരോ കാഴ്ചയും
ഒരോ ഓർമ്മയാകുന്നു.
അപ്രതീക്ഷിതങ്ങളുടെ
ഒരു നട്ടുച്ചയിൽ
മിനാരങ്ങളുടെ
തണലിൽ വച്ച്
കൊഴിഞ്ഞു വീണ
കൊന്നപ്പൂക്കളിൽ
എനിക്കെന്റെ
ചങ്ങാതിയെ കിട്ടുന്നു.
ഞാനാരെന്നോ...
നീയാരെന്നോ...
ചോദിക്കാതെ
സൗഹൃദത്താൽ
കരൾ നിറഞ്ഞ്...
വീണ്ടും കാണാമെന്ന
സുനിശ്ചിതത്വത്തിൽ
പുൽത്തകിടി വിട്ടിറങ്ങുന്നു നാം.
2012 ജുലൈ : ചങ്ങാതി 2
ദൂരങ്ങൾക്കിപ്പോൾ
അളവുകോലില്ല...
നീയും ഞാനും
നേർത്ത വരയിട്ടു തിരിച്ച
രണ്ടു ദീർഘചതുരങ്ങൾ മാത്രം.
കവിതയുടെ
തണലിൽ വച്ച്
മുഖമില്ലാത്തൊരീ
വലക്കണ്ണികൾക്കപ്പുറമിപ്പുറം നിന്നു
സൗഹൃദത്തിന്റെ
ആദ്യാക്ഷരങ്ങൾ
കുറിക്കുന്നു നാം.
-----------
സൗഹൃദങ്ങൾ തുടങ്ങുന്നതെവിടെ നിന്നാണ്‌... പണ്ടൊക്കെ മിക്ക ചങ്ങാത്തങ്ങളും തുടങ്ങുക ഒരു നേർക്കാഴ്ചയിലൂടെ, അല്ലെങ്കിൽ ഒരു പോസ്റ്റ് കാർഡിൽ നിന്നു്... ഇന്നു പലതും മാറിയിരിക്കുന്നു ഈ ഇന്റെർനെറ്റ് കാലത്തിൽ... ചില ചങ്ങാത്തങ്ങൾ തുടങ്ങുക ഒരു കവിത ഗ്രൂപ്പിൽ നിന്നു് അല്ലെങ്കിൽ രണ്ടു ദീർഘചതുരങ്ങൾക്കപ്പുറമിപ്പുറം നിന്നുള്ളൊരു ചാറ്റ്...
ജീവിതം (Malyalam poem The Life)
ജീവിതം
---------
പ്രണയത്തിന്റെ ഋതുവും
നിലാവിന്റെ ദൂരവും കടന്ന്
തിയതികളില്ലാത്തൊരു
കലണ്ടറിലെത്തുമ്പോൾ
ജീവിതം പൊള്ളുമൊരു മരുഭൂമി.
നിമിഷമെണ്ണാൻ മറന്നൊരു
ഘടികാരമാണു ഞാൻ
നെഞ്ചിടിക്കുമ്പോളിപ്പോൾ
തീ പിടിക്കുമോർമകൾ മാത്രം...
പലായനത്തിന്റെ രാത്രിവണ്ടികൾ
കിതച്ചുകൊണ്ടോടുമ്പോൾ
മാർട്ടിൻ... നീ തന്ന
വെളിപാടിന്റെ പുസ്തകവും ,
അമ്മ തന്ന വെഞ്ചിരിച്ച കൊന്തയും
നെഞ്ചോടു ചേർത്തുറങ്ങുന്നതും...
കിനാവിലമ്മയും പെങ്ങളും
മുട്ടുകുത്തി പ്രാർത്ഥിക്കുന്നതും...
മുട്ടുമോരോ വാതിലും
പെട്ടെന്നടഞ്ഞു പോകുന്നതും...
നഗരദുരിതങ്ങൾ
തീരാത്തൊരാധിയാകുന്നതും...
ആശകൾ നേർത്തു -
നേർത്തിരുളുമൊരു രാത്രിയിൽ
ദൂരെയൊരു
വഴികാട്ടി നക്ഷത്രമുദിക്കുന്നതും
ജീവിതം.
-----------
Recitation of this poem by me @ http://soundcloud.com/baiju-joseph-1/malayalam-poem-jeevitham-baiju
കവിത : ജീവിതം
രചന : ബൈജു ജോസഫ് പള്ളിപ്പുറം
ആലാപനം : ബൈജു ജോസഫ് പള്ളിപ്പുറം
വേനല്‍ മഴ (The Summer Rain)
വേനൽ മഴ
----------
വേനലിലമരുന്ന
മലർകാലത്തിലെന്റെ
ആശകളൊന്നൊന്നായി
വാടിവീണലിയവേ,
ഒരു തുള്ളി നീരിന്നായി
കേഴുന്ന വേഴാമ്പലായ്
ഇനിയുമണയാത്ത
കുളിരു കാക്കുന്നു ഞാൻ.
ഗാർഗ്ഗി* തൻ ചോദ്യങ്ങളെ
മാറാല മൂടുന്നതും...
ഏകലവ്യന്റെ വിരൽ**
ചിതലു തിന്നുന്നതും...
“അരുതേ കാട്ടാളാ...”
എന്നോതുന്ന വാത്മീകിയെ
അരങ്ങിൽ നിഷാദനങ്ങമ്പെയ്തു
വീഴ്ത്തുന്നതും...
അങ്ങനെയൊടുങ്ങാത്ത
പേക്കിനാവുകളെന്റെ
ഉറക്കം മുറിക്കുന്നൊ-
രഗ്നിയായ് പടരുന്നു...
പീഢനകാലത്തിന്റെ
വേനലാണെരിയുന്നു...
തീയാളും ചിതയിതി-
ലസ്ഥികൾ പൊട്ടീടുന്നൂ...
ഉണക്കമരത്തിന്റെ
വേതാളശിഖരങ്ങ-
ളായിരം നഖരങ്ങളാൽ
നമ്മേ വളയുന്നോ...
നിള തന്നുറവകൾ
വറ്റുന്നു...കുളിരോലു-
മിളം കാറ്റൊടുങ്ങുന്നു...
രാത്രിയാകുന്നൂ സഖീ...
കനൽക്കാറ്റുകളാഞ്ഞു
വീശുമീ മണൽക്കാട്ടിൽ
ഒറ്റപ്പെട്ടു നാം
ദിശ തെറ്റിയിങ്ങലയവേ...
വാത്സല്യ ഹരിതമാം
പാതകളൊരുക്കി നീ
നെഞ്ചകം കുളിർപ്പിക്കാൻ
മഴയായണഞ്ഞെങ്കിൽ...
-----------
* ഗാർഗ്ഗി - Gargi is a symbol of true questions. Gargi challenged the sage Yajnavalkya with a volley of perturbing questions on the soul or 'atman' that confounded the learned man who had till then silenced many an eminent scholar.
Recitation of this poem by me @ http://soundcloud.com/baiju-joseph-1/malayalam-poem-venalmazha
കവിത : വേനല്‍മഴ
രചന : ബൈജു ജോസഫ് പള്ളിപ്പുറം
ആലാപനം : ബൈജു ജോസഫ് പള്ളിപ്പുറം
Subscribe to:
Posts (Atom)