പച്ചത്തത്തയുടെ ആശുപത്രി
*********************
ശിശിരാങ്കിതമിക്കൊടും തണുപ്പിൽ
കാലേയെഴുന്നേറ്റു വാതിൽ തുറക്കെ,
നനഞ്ഞു വിറച്ചീ കോലായിലുണ്ട്
കാലൊടിഞ്ഞൊരു പച്ചത്തത്ത.
തിരക്കാണു ജീവിതം ; മരുന്നോ,
പച്ചത്തത്തകൾക്കാശുപത്രിയോ
ഇല്ലാത്തതിനാൽ, ഒന്നുമേ കാണാതെ,
തിരിഞ്ഞൊന്നു നോക്കാതെ പോകണം...
ഉള്ളു ചൊല്ലുന്നുറുമ്പരിക്കുവാനീ
പച്ചയെ വിട്ടേച്ചു നീ പോകുന്നുവോ?
മെല്ലെയാ പച്ചയിറ്റും കരച്ചിൽ
പൂട്ടിയ താക്കോലിനാലെടുക്കുന്നു.
തൊടിയിലെ തുളസിയാശുപത്രിയിൽ
കടമെടുത്ത പച്ച വാർഡിൽ വച്ചു
പച്ചത്തത്ത മുത്തശ്ശി മൊഴിയാകുന്നു;
ഭാഗ്യത്തിൻ പച്ചമണം പരക്കുന്നു.
---------
*********************
ശിശിരാങ്കിതമിക്കൊടും തണുപ്പിൽ
കാലേയെഴുന്നേറ്റു വാതിൽ തുറക്കെ,
നനഞ്ഞു വിറച്ചീ കോലായിലുണ്ട്
കാലൊടിഞ്ഞൊരു പച്ചത്തത്ത.
തിരക്കാണു ജീവിതം ; മരുന്നോ,
പച്ചത്തത്തകൾക്കാശുപത്രിയോ
ഇല്ലാത്തതിനാൽ, ഒന്നുമേ കാണാതെ,
തിരിഞ്ഞൊന്നു നോക്കാതെ പോകണം...
ഉള്ളു ചൊല്ലുന്നുറുമ്പരിക്കുവാനീ
പച്ചയെ വിട്ടേച്ചു നീ പോകുന്നുവോ?
മെല്ലെയാ പച്ചയിറ്റും കരച്ചിൽ
പൂട്ടിയ താക്കോലിനാലെടുക്കുന്നു.
തൊടിയിലെ തുളസിയാശുപത്രിയിൽ
കടമെടുത്ത പച്ച വാർഡിൽ വച്ചു
പച്ചത്തത്ത മുത്തശ്ശി മൊഴിയാകുന്നു;
ഭാഗ്യത്തിൻ പച്ചമണം പരക്കുന്നു.
---------
