വോട്ടു ചെയ്യുമ്പോൾ

വോട്ടു ചെയ്യുമ്പോൾ എല്ലാം മറക്കണം
കറുത്ത കണ്ണടകളൂരി നാം വയ്ക്കണം
പതാകകൾ തുന്നി കുഞ്ഞുടുപ്പുണ്ടാക്കി
തെരുവുകുഞ്ഞിന്റെ തണുപ്പകറ്റീടണം.
ചിഹ്നങ്ങൾ എല്ലാം ചട്ടിയിൽ വേവിച്ച്‌
പാവങ്ങൾക്കെല്ലാം തിന്നാൻ കൊടുക്കണം.

ഇടം വലം നോക്കാതെ, ഒറ്റശ്വാസത്തിൽ
ചിഹ്നമില്ലാ നേരിന്ന്‌ വോട്ടമർത്തീടണം.*
വോട്ട്‌ ചെയ്യുന്നതെന്തിനെന്നോർക്കുക
തൊഴിലു തന്നെന്റെ വിശപ്പു മാറ്റീടുവാൻ
ജീവൻ ത്യജിക്കും പ്രവാചകരില്ലെങ്കിൽ
നിൻ പേരു ചേർത്തു നീ വോട്ടമർത്തീടുക...


* ഇന്നു വോട്ടിഗ്‌ യന്ത്രത്തിൽ ബട്ടൺ അമർത്തി നാം വോട്ട്‌ ചെയ്യുന്നതു്...

--------

കവിത : വോട്ടു ചെയ്യുമ്പോൾ

രചന : ബൈജു ജോസഫ് പള്ളിപ്പുറം 

ആലാപനം : ബൈജു ജോസഫ് പള്ളിപ്പുറം 

Listen @ Soundcloud - https://soundcloud.com/baiju-joseph-1/malayalam-poem-baiju-vote-cheyyumpol