മഴയിലൂടെ പെയ്തിടുന്നൂ
കൊടും കാടിൻ കിനാപ്പച്ച...
കാട്ടുവീട്ടിക്കരിങ്കാതൽ...
ചെമ്പരത്തിപ്പൂനിറങ്ങൾ
ചെണ്ടമേള പ്പെരുക്കങ്ങൾ
മയിൽപ്പീലിക്കാവടികൾ...
മഴയിലൂടെ മിഴിതുറപ്പൂ
വിത്തുകളായ് ദൈവസ്നേഹം..
മഴയിലൂടെ പെയ്തിടുന്നൂ
പ്രണയാർദ്ര നിമിഷങ്ങൾ...
പിച്ചവയ്ക്കുമൊരു കുഞ്ഞിൻ
കാൽപ്പാടു താണ്ടും ദൂരങ്ങൾ...
വിത്തു പെയ്യും മഴ തോർന്നു
വിത്തു പൊട്ടി മുളക്കുമ്പോൾ
അന്തമില്ലാച്ചാക്രികത്തിൽ
മൺതരി നാം അറിവൂ ഞാൻ...
-----
No comments:
Post a Comment
Thank you for your inputs...